1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Saudiyya da Iran sun sasanta

Binta Aliyu Zurmi
April 6, 2023

A karon farko ministocin kasashen waje na Saudiyya da Iran sun yi wani zama mai cike da tarihi a birnin Beijing na China da zummar kawo karshen sabaninsu.

https://p.dw.com/p/4PncS
China Peking | Treffen der Außenminister von Iran und Saudi-Arabien | Hossein Amir-Abdollahian und Bin Faisal
Hoto: Iranian Foreign Ministry/AFP

Zaman da China ta jagoranci manyan jami'an diplomasiyyar Iran da Saudi Arabia wadanda suka kwashe shekaru suna rikici da juna a yankin Gabas ta Tsakiya sun amince da jingine banbancin da ke tsakaninsu a wani mataki na kawo karshen zaman tankiya da suke yi.

A wani faifan bidiyo da kafar yada labaran Iran ta wallafa ya nuna yarima Faisal bin farhan na Saudiyya da takwaransa na Iran Hossein Amirabdullahian sun yi musabaha.

Kazalika kasashen biyu za su maida dangantakar diplomasiyya da ma bude ofisoshin jakadancinsu da maida hada-hadar jiragen sama gami da bude kofofin ci gaba da ziyara a tsakaninsu.