Sabon rikici ya barke a Sudan ta Kudu

Wata sanarwa da kungiyar nan ta Red Cross ta fidda wadda ta tabbatar da wannan labari, ta ce daga cikin wadanda suka mutu a inda rikicin ya wakana a jiya Laraba a jihar nan ta Jonglei har da wasu ma'aikatan jinya guda biyu da ke aiki da kungiyar nan ta Doctors Without Borders.

Sanarwar ta Red Cross dokokin da aka sanya na takaita zirga-zirga saboda annobar coronavirus sun taimaka wajen gaza kaiwa ga wajen da aka yi rikicin domin shawo kansa da kuma kwashe wanda suka jikkata don kaisu asibiti da nufin yi musu magani.

Tuni dai jami'an Majalisar Dinkin Duniya da ke aiki a Sudan ta Kudu din suka sanar da isar wata tawaga arewacin jihar Jonglei domin gudanar da bincike kan musababbin tashin rikicin.