Corona: Ta'azzarar nau'in Delta a Turai da Asiya

Babban bankin Turai ya sanar da cewar, rashin sanin tabbas game da yaduwar nau'in na Delta, na nufin barin hanyoyin fitar da kudi bude, domin tabbatar da cewar kokarin farfado da tattalin arziki bai fuskanci wani tarnaki ba.

Shugabar gwamnatin Jamus Angela Merkel ta sanar da cewar, ana samun karuwar masu kamuwa da sabon nau'in wannan cuta da ta zama ruwan dare a fadin duniya.

Wannan na zuwa ne a daidai lokacin da ake shirin bude wasannin guje guje da tsalle tsalle na Olympics da aka jinkirta gudanarwa da shekara guda a birnin Tokyon kasar Japan a gobe Juma'a. Wasannin da za a gudanar ba tare da 'yan kallo ba, daura da tsananta dokokin yaki da corona.