Sabon iftila'in girgizar kasa a Turkiyya

Sabuwar girgizar kasar na zuwa ne makwanni biyu bayan da kasashen biyu suka fuskanci mummunan girgirzar kasar da ta yi sanadiyar rayukan dubban mutane.

Wasu shaidun gani da ido sun bayyanawa kamfanin dillancin labaran Reuters cewa girgizar kasar ta wannan litinin din ta lalata gine-gine a yankin Antakya wanda shi ma ya fuskaci girgizar kasar ta makwanni biyu da suka gabata. Wata mazauniyar yankin mai suna Muna Omar, da ke cikin tantin da suke samun mafaka a yanzu ta ce ta shiga cikin tashin hankali domin yadda ta ji kasa tamkar zata rabe gida biyu.