Saban shugaban ƙasar Benin Yayi Bonny yayi jawabin farko ga jama´a
March 25, 2006Saban shugaban ƙasar Benin, Thomas Yayi Bony, da a ka zaba ranar lahadi ta wuce, yayi jawabin farko, tun bayan bayyana sakamakon zaɓen.
A jawabin na sa,ya yi mattukar godiya, ga al´umar Benin da ta ɗora masa wannan yauni, ya kuma yi alkawarin yin aiki tukuru, domin maida alheri ga al´ummar ƙasa.
YA ce, tunni ya ɗaura damara, domin shiga yaƙi gadan gadan, na haɓɓaka tatalin arzikin Benin da kauttata rayuwar jama´ar wannan ƙasa, da ke fama da matsaloli daban-daban.
Ranar 6 ga watan Aprul mai zuwa, Yayi Bonny,zai gaji Mathieu Kereku, shugaba mai barin gado, wanda kuma, yayi mulkin Jamhuriya Benin,a tsawan shekaru 28.
Masu kulla da harakokin siyasa a ƙasar na ɗaukar saban shugaban, a matsayin wanda ke da kaffar samar da ci gaba, ta la´akari da muƙƙaman da ya riƙe ta fanning tattalin arziki.
Bony ,ya rike matsayin gwaman babban bankin ƙasashen Afrika ta yamma, kazalika, ya laƙanci ƙabli da ba´adin harakokin tattalin arzikin ƙasa da ƙasa, sannan ga shi da sanayya da kafofin kuƙi na dunia.