Ruwan sama mai yawa na kara kawo ciƙas ga aikin taimako a Afirka
September 24, 2007Talla
Ruwan sama kamar da bakin kwarya da ake kara zubawa musamman a gabashin nahiyar Afirka na kara tsananta mawuyacin hali da aka shiga a kasashe dake fama da ambaliyar ruwa. Ministan da ke kula da ayyukan taimakon jin kai na kasar Uganda Musa Ecweru ya ce ruwa ya malale kusan dukkan hanyoyin mota a yankunan da bala´in ya shafa. Hakan na kawo babban cikas ga masu aikin taimako. Tun a cikin yuli ruwan sama mai yawa da ake samu ya yi haddasa mummunar ambaliya a kasashe 18 na Afirka. sama da mutane 300 suka rasu yayin da dubun dubata suka asarar gidajensu sakamakon wannan ambaliya. Masu hasashen yanayi sun ce za´a kara samun wani ruwan sama mai yawa a wadannan kasashe.