Ruto ya rusa majalisar ministocinsa

Shugaban Kenya William Ruto ya rusa kusan dukkan mambobin majalisar zartarwarsa tare da shirin kafa wata mai mutane kalilan.

Wannan na zuwa ne a dai-dai lokacin da  Mr. Ruto ke fadi tashin farfado da kimarsa bayan zanga-zangar da ta yi sanadiyyar mutuwar mutane a kasar.

Kasar ta gabashin Afrika ta fuskanci zanga-zanga mai zafi kan karin kudin haraji, lamarin da ya koma tarzoma da neman kifar da gwamnati bayan masu zanga-zangar sun yi arangama da jami'an tsaro da kuma kutsawa majalisar dokokin kasar.

Kenya: Masu bore sun sake fitowa a Nairobi

Kadan da suka sha daga jijjigar da Ruto ya yi wa gwamnatinsa sun hada da ministan harkokin waje Musalia Mudavadi da mataimakin shugaban kasa Rigathi Gachagua.