EU: Dabarun rage tasirin Rasha a Afirka

Shugabar Hukumar Tarayyar Turan Ursula von der Leyen ta bayyana hakan ne yayin jawabin da ta gabatar a gban majalisar Tarayyar Turan, inda ta bayar da misali da yankin Sahel da ta ce shi ne mafi talauci kana wanda ke bunkasa a bangaren yawan al'umma. A cewarta yawaitar juyin mulki a yankin, zai sake damalmala al'amura na tsawon lokaci. von der Leyen ta nunar da cewa Rasha na yin tasiri da kuma cin moriyar rudun da ake fama da shi a yankin, tana mai cewa ya kamata kungiyar EU ta nuna hadin kai wajen ceton Afirka kamar yadda ta nuna a kan Ukraine.