Rasha ta tabbatar da daukan nauyin Wagner

Shugaba Vladimir Putin na Rasha a karon farko ya tabbatar da cewa gwamnati take biyan kudin tafiyar da sojojin haya na kamfanin Wagner wadanda suka yi bore a karshen mako.

Lokaci wata ganawa da dakarun kasar Putin ya ce gaba daya kudin tafiyar da kamfanin na wuyar gwamnatin kasar.

Haka na zuwa bayan yunkurin da mayakan suka yi na kutsawa zuwa birnin Moscow fadar gwamnatin kasar ta Rasha, domin nuna fushi kan yadda yakin da ke faruwa da Ukraine ke tafiya.

Yanzu haka Shugaba Alexander Lukashenko  na kasar Belarus ya tabbatar da cewa Yevgeny Prigozhina shugaban kamfanin sojojin hayan na Wagner yana kasarsa, kamar yadda aka tsara bisa hanyoyin kawo karshen boren da Rasha ta fuskanta.