1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Putin na nazarin kaurace wa taron G20

Zaharaddeen Umar ATB
November 10, 2022

Shugaban Rasha Vladimir Putin ba zai halarci taron shugabannin manyan kasashen duniya guda 20 na G20 da aka shirya gudanarwa a kasar Indonisiya a mako mai zuwa ba.

https://p.dw.com/p/4JIm0
Shugaban Rasha Vladimir Putin
Shugaban Rasha Vladimir PutinHoto: Ramil Sitdikov/AP/picture alliance

Ofishin jakadancin Rasha da ke Indonisiya ne ya sanar wa da kamfanin dillancin labaran Faransa, AFP, haka a Alhamis din nan. A maimakon hakan, ofishin jakadancin ya ce ana sa ran Shugaba Putin zai halarci taron ta hanyar bidiyo.

Da ma dai tun kafin yanzu shugaban Amirka Joe Biden ya lashi takobin ba zai kula Shugaba Putin ba idan sun hadu a taron G20 a sakamakon yadda Rasha ke kaddamar da yakin da ke hallaka mutane a kasar Ukraine. Sai dai kuma wasu bayanai na nuni da cewa shugaban na Rasha ba zai halarci taron ba kwata-kwata, inda ya shirya tura ministansa na harkokin kasashen waje domin ya wakilci Rasha a taron.

A watan Yulin da ya gabata, ministan harkokin wajen Rasha ya fice daga taron ministocin kasashen G20 din bayan da taron ya baje laifukan da Rasha ke aikata wa a Ukraine.