1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Bukatar fahimta tsakanin Amirka da Rasha

Abdullahi Tanko Bala
January 13, 2022

Babban taron duniya kan tsaro da ya gudana a Vienna ya bukaci hada kan Rasha da Amirka da kawayensu na Tarayyar Turai domin samun tattaunawa ta fahimtar juna.

https://p.dw.com/p/45VZO
Österreich | OSZE-Sitzung im Zeichen der Krisendiplomatie mit Russland
Hoto: Alexey Vitvitsky/Sputnik/dpa/picture alliance

Kungiyar kawancen tsaro da raya cigaba a nahiyar turai OSCE ta na fatan kwantar da hankula a rikicin kan iyaka na kasar Ukraine inda Rasha ta jibge dakarun sojinta masu yawa.

Poland ta fara gabatar da mukala inda ta yi kashedin cewa akwai hadarin barkewar yaki a yankin kasashen kungiyar OSCE kuma lamarin ya yi kamari a wannan karon fiye da sauran lokuta shekaru 30 da suka gabata.

Ministan harkokin wajen Poland Zbigniew Rau ya shaidawa mahalarta taron a babban birnin Austria cewa akwai bukatar tabbatar da hadin kai da fahimtar juna a tsakanin kasashe.