Biden zai bayyana tsarinsa na kiwon lafiya

Wannan na zuwa ne a yayinda ake sa ran kotun kolin kasar za ta saurari karar da aka shigar gabanta kan batun tsarin inshorar lafiya. A karkashin mulkin Shugaba Donald Trump dai tsarin Obamacare ya sha kashi, kuma an ta kai ruwa rana akai har ma daga karshe maganar ta je gaban kotu.

Kazalika nan gaba Mr. Biden zai yi jawabi kan batun kiwon lafiyar domin nuna muhimmancin da gwamnatinsa da yake shirin kafawa a watan Janairu za ta bai wa bangaren kiwon lafiya.

A jawabin da ya yi wa Amirkawa Joe Biden ya yi kira a gare su da kowa ya ajiye banbancin siyasa ya rinka sanya takunkumi domin a samu a yaki anobar coronavirus wace ta mamaye kasar.