Taro domin kawo karshen rikicin Yemen

Griffiths ya bayyana hakan ne kwana guda gabanin taron da za su gudanar a birnin Geneva wanda Majalisar Dinkin Duniya ta shirya, inda ya ce al'ummar kasar sun gaji da yakin da suke fama da shi na tsahon shekaru. Mutane da dama ne da suka hadar da fararen hula har ma da kananan yara suka hallaka sakamakon ruwan bama-banman da Saudiyya da kawayenta ke yi a kasar karkashin rundunar taron dangin da take wa jagoranci, a wani mataki da Saudiyyan ta ce na kare halastacciyar gwamnatin kasar ne.