NATO na kira da a kai dauki wa Ukraine

Kwanaki kadan bayan gagarumar ambaliyar da ta yi barna a birane da kauyukan kudancin Ukraine bayan harin da aka kai wa wata madatsar ruwa, Sakataren kungiyar tsaro ta NATO ya bukaci kasashe membobin kawancen kungiyar da su hamzarta kai wa wadanda abin ya shafa dauki.

Jens Stoltenberg, ya yi wannan kira ne a yayin taron jakadun kasashe 31 na NATO da aka gudanar bisa bukatar hukumomin Kiev don duba halin da al'ummar yankunan kasar suka shiga kwanaki kadan bayan ambaliyar da ke ci gaba da haddasa asara.

Shi ma babban jami'in diflomasiyyar Ukraine Dmytro Kouleba, da yake magana ta kafar bidiyo a yayin taron, ya yi bitar adadin barnar da ambaliyar ta haddasa, ya kuma gabatar da jerin bukatun kasar don taimakawa wadanda lamarin ya ritsa da su.