Mazauna Saudiyya kadai ne za su yi aikin Hajji

Gwamnatin Saudiyya ta ce mazauna kasar ne kawai za su iya gudanar da aikin hajjin bana, a sanarwar da ta fitar a jiya Litinin , Saudiyyan ta bayar da dalilan daukar matakin ne da zummar hana yaduwar annobar Coronavirus. A bara maniyata kimanin miliyan biyu da rabi daga kasashen duniya sama da dari da hamsin suka gudanar da ibadar mai mahinmanci.

Saudiyya na ci gaba da yakar cutar da tuni ta yi sanadiyar rayuka dubu daya da dari uku yayin da alkaluman wadanda suke kamuwa da cutar ke ci gaba da karuwa, ana da mutum sama da dubu dari da sittin masu Coronavirus a Saudiyya.