Merkel: Ta ziyarci Navalny a asibiti

Mai magana da yawun Merkel, Stefan Seibert shi ne ya tabbatar da wannan ziyara da shugabar gwamnatin ta kai wadda ya ce ta kashin kai ce, to amma sun yi wata ganawa ta daban wadda ba a kai ga sanin abin da ta kunsa ba, sai dai Alexei Navalny din ya wallafa a shafinsa na Twitter yana wa Merkel godiya da kulawar da aka bashi.

Wannn ziyara dai da alama ba za ta yi wa fadar Kremlin dadi ba, duk da ta musanta alakarta da binciken da kasashen Jamus da Faransa da Sweden suka yi  wanda ya nuna cewar da an sanya wa Navalny guba da ke sarke jijiyoyi.