Al'umma sun fara juyawa shugaban kasar baya

An dai wayi gari da barkewar sabuwar zanga-zangar kin jinin shugaba Sisi a ranar 20 a wannan wata na Satumba ne sakamakon kiraye kirayen da ya karade kafafen sadarwar zamani a manyan biranen kasar. Da sanyin safiyar wannan rana shugaba Sisi ya koma kasar ta Masar daga birnin New York na kasar Amirka inda yake halartar babban taron Majalisar Dinkin Duniya.

Jami'an tsaro sun kame mutanen da yawansu ya kai dubu 1,900 tun bayan fara zanga zangar kin jinin shugaban kasar ta Masar a makon da ya gabata.