Kurdawa sun amince a yi sulhu

A cewar Kurdawan za a kafa wasu kwamitoci ne da za su tsara taswirar kyautata kasar da ta rarrabu ta bangaren shugabanci da kuma madafun iko.

Kamar yadda bangaren jagorancin Kurdawan ya sanar, Siriya ce ta kira wannan zama na tattaunawa.

Gwamnatin Shugaba Bashar al Assad da ke samun goyon bayan Rasha dai, ta yi nasarar karbe kusan dukkanin yankunan da a baya ke hannun mayakan na tawaye.

A share guda kuwa wannan labarin na aza tambayoyi kan manufofin Amirka a Siriya, ganin yadda kasar ta aika sojoji musamman a yankunan da ke hannun mayakan na Kurdawa lokacin da ake yaki da kungiyar IS.