1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaArewacin Amurka

Kasar Brazil ta haramta amfani da shafin X

Musa Tijjani Ahmad
September 1, 2024

Al'umma a kasar Brazil da ma sauran kasashe na ci gaba da tsokaci bayan da kasar ta shiga cikin sahun kasashen da suka haramta amfani da Shafin X wanda aka fi sani da Twitter a baya.

https://p.dw.com/p/4k8xc
Shugaban Alkalan Kotun Kolin Brazil, Alexandre de Moraes, a yayin zaman yanke hukunci kan dakatar da amfani da X
Shugaban Alkalan Kotun Kolin Brazil, Alexandre de Moraes, a yayin zaman yanke hukunci kan dakatar da amfani da X Hoto: Marcelo Camargo/Agencia Brazil/dpa/picture alliance

Kungiyoyin da ke rajin kare hakkin 'dan Adam na kallon matakin na mahukuntan Brazil din a matsayin wani yunkuri tauye 'yancin fadar albarkacin baki ta kafafen sadarwar zamani.

Karin bayani: Brazil: Kotu ta haramta wa Bolsonaro damar mulki

Toshe shafin a X a kasar ta Brazil dai ya biyo bayan hukuncin da kotun kolin kasar ta zartar, karkashin jagorancin mai shari'a Alexandre de Moraes, bayan da aka bude wasu shafukan X da alkalan kotun suka haramta amfani da su tun da fari.

Karin bayani:Brazil: Lula ya sha alwashin yakar rashawa  

Baya ga Brazil wasu kasashen sun sanyawa al'ummarsu takunkumi na wucin-gadi ko kuma na dindindin wajen amfani da shafin na X, wadannan kasashe sun hada da Masar a lokacin guguwar sauyin kasashen Larabawa a 2011, da kasar Turkiyya a 2014 da kuma 2023 sai kuma kasar Uzbekistan a yayin zaben shugaban kasar a shekara ta 2012. Sauran kasashen sun hadar da Chiana da Turkmenistan da Iran da dai sauransu.