1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaNa duniya

Karfafa dangantaka tsakanin China da Switzerland

Abdullahi Tanko Bala
January 15, 2024

China da Switzerland sun sanya hannu a kan wata yarjejeniyar hadin gwiwa ta karfafa dangantaka a tsakaninsu bayan da Firimiya Li Qiang ya gana da shugaban kasar Switzerland

https://p.dw.com/p/4bHWf
Shugabar Switzerland Viola Amherd da Firaministan China Li Qiang
Shugabar Switzerland Viola Amherd da Firaministan China Li QiangHoto: Peter Klaunzer/REUTERS

Li wanda shi ne jami'i mafi girman mukami na China da ya kai ziyara Switzerland tun bayan ziyarar da shugaba Xi Jinping ya kai a 2017, ya gana da shugabar Viola Amherd tare da tawagar manyan jami'an China gabanin babban taron tattalin arziki na duniya a Davos.

Yarjejeniyar hadin gwiwar za ta karfafa kasuwanci ba tare da shinge ba a tsakanin kasashen biyu wanda ake gani babban mataki na share fagen karin tattaunawa a tsakanin kasashen biyu a nan gaba.

China dai ita ce babbar kasa ta uku abokiyar cinikayya da Switzerland bayan Amurka da kungiyar tarayyar Turai.