An ba da umurnin sakin 'yan awaren Kamaru

A cikin wata sanarwa da fadar shugaban kasar ta fitar a wannan Alhamis da a gidan radiyo na kasar ya karanto, ta ce shugaban kasar ya dauki wannan mataki ne domin bai wa matasan da ke dauke da makamai damar mika makaman nasu da ba da hadin kai ga kwamitin da aka kafa domin karbe makamai daga hannun 'yan awaren da kuma samar masu da aikin yi.

Daruruwan 'yan awaren yankin Anglophone na kasar ta Kamaru ne dai ke kargame a gidajen kurkukun kasar dabam-dabam da suka hada da jagoran 'yan awaren Julius Sisiku Ayuk Tabe wanda hukumomin kasar ta Kamaru ke zargi da laifin ta'addanci da kuma tawaye.