Jamus ta bukaci bahasi daga jakadan Koriya ta Arewa

Jamus ta bukaci bayanai daga jami'in diflomasiyyar Koriya ta Arewa sakamakon karuwar damuwa na goyon bayan da Pyongyang ke bai wa Rasha a yakin da ta ke yi a Ukraine.

Idan har ta tabbata sojojin Koriya ta arewa suna cikin Ukraine kuma Koriya ta arewa na taimaka wa Rasha da sojoji a yakin, to hakan zai zama babban keta dokokin kasa da kasa kamar yadda ma'ikatar harkokin wajen Jamus ta wallafa a shafin sada zumunta na X

Taimakon da Koriya ta Arewa ke bai wa Rasha na barazana kai tsaye ga tsaron Jamus da kudirin zaman lafiya na tarayyar Turai.