1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Jamus na fuskantar kamarin corona

Abdoulaye Mamane Amadou
October 17, 2020

Adadin wadanda suka kamu da annobar corona a Jamus na ci gaba da karuwa, cibiyar yaki da cutattuka masu yaduwa Robert Koch ta ce an samu mutane 7 830 da suka kamu da corona a cikin sa'o'i 24.

https://p.dw.com/p/3k4e4
Corona-Gipfel I Merkel und Ministerpräsidenten
Hoto: Stefanie Loos/AFP/dpa/picture-alliance

Shugabar gwamnatin Jamus Angela Merkel ta yi kira ga 'yan kasar da su bayar da hadin kai da gaggawa domin ganin an dakile yaduwar cutar.

Da take magana a sakonta na mako mako, Merkel ta ce yana da kyau a dauki duk wasu muhimman matakan da suka dace wajen kawar da yaduwar cutar, kana ta bukaci takaita haduwar jama'a da dage duk wasu tafiye-tafiyen da basa da muhimmanci, tana mai cewa yanzu Jamus na cikin wani yanayi mai sarkakiya.