1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Iran: An nada Ebrahim Raïssi a matsayin shugaban kasa

Mouhamadou Awal Balarabe
August 3, 2021

Jagoran juyin juya halin Musulunci na Iran Ayatollah Ali Khamenei ya nada Ebrahim Raïssi mai ra'ayin mazan jiya a matsayin sabon shugaban kasa gabanin rantsuwar kama aiki kamar yadda dokokin kasar suka tanada.

https://p.dw.com/p/3yTs8
Ebrahim Raisi, Irans neuer Justizchef
Hoto: raisi.ir

Shi dai Raïssi da aka nada wanda kuma ya yi nasara a zaben watan Yuni, ya gaji Hassan Rohani mai matsakaicin ra'ayi wanda ya kulla yarjejeniya kan makamashin nukiliyar Iran tare da manyan kasashen duniya, bayan shekaru na sa-in-sa.

Sabon shugaban zai dukufa ne wajen yin aiki tukuru domin juya babin komabayan tattalin arzikin da takunkumin Amirka da annobar corona suka jefa Iran a cikin, Sannan zai koma kan teburin tattaunawa don ceton yarjejeniyar nukiliyar kasa da kasa da ke cikin mawuyacin hali. Sai dai tuni jagoran addini Khamenei ya bayana cewar za a dauki lokaci wajen warware matsalolin tattalin arziki da kasar ta Iran ke fuskanta.   

A ranar Alhamis mai zuwa ne za a rantsar da Mista Raïssi a gaban Majalisar dokokin Iran, inda zai gabatar da sunayen wadanda yake son nadawa a mukaman minista.