1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Hari ya ritsa da Yahudawa a Birnin Kudus

Mouhamadou Awal Balarabe
February 10, 2023

Mutane biyu sun rasu rayukansu ciki har da yaro mai shekara shida, a wani harin bam da aka kai da wata mota a tashar bas a unguwar Yahudawa da ke gabashin Birnin Kudus.

https://p.dw.com/p/4NLfq
Motar da aka kai hari da ita a gabashin birnin KudusHoto: Ammar Awad/REUTERS

Wannan harin da 'yan sandan Isra'ila suka bayyana a matsayin  na ta'addanci, ya faru ne a Ramot inda yawancin masu tsattsauran ra'ayi ke zaune a wuraren da Isra'ila ta mamaye. Dama dai ana fargabar barkewar tashin hankalin da ba za a iya shawo kansa ba sakamkon yadda rikicin Isra'ila da Falasdinu ke ci gaba da ruruwa tun farkon wannan shekara.

Ko makonni biyun da suka gabata ma, sai da wani Bafalasdine ya harbe wasu ‘yan Isra'ila shida da wata ‘yar kasar Ukraine har lahira a kusa da majami'ar unguwar Yahudawa da ke gabashin Birnin Kudus.  kasashen duniya da dama sun yi kiraye-kiraye ga Isra'ila da 'yan yankin Falesdinu da su kwantar da hankulansu sakamakon karuwar tashe-tashen hankula.