An shirya zaman taron kawar da makaman nukiliya

Wannan shi ne karon farko da shugaban Koriya ta Arewa ya amince ya tattauna kai tsaye da shugaban wata kasa ta yammacin duniya domin a tattauna kan shirin mallakar makamin nukiliya da ya sa a gaba. Daman a jibi Talata ranar sha biyu ga wannan watan na Yuni aka tsara yin zaman da ake ganin zai kawo karshen takaddama a tsakanin Koriya ta Arewan da wasu kasashen yamma da ke baiyana fargabar kan barazanar da nukiliyar ke yi ga zaman lafiyar al'ummar duniya baki daya.