Goita ya gana da tsoffin 'yan tawaye

A makon da ya gabata ne dai Kanar Goita ya kifar da gwamnatin rikon Malin, wadda aka kafa bayan kifar da gwamanatin zababben shugaba Ibrahim Bubacar Keita a watan Augustan bara.

Jagoran gwamnatin na yanzu dai, shi ne ya jagoranci kananan jami'an soji da suka kifar da Keita, biyo bayan zanga zanga bisa zargin cin hanci da rashawa a bangaren jami'an gwamnati, da gaza kawo karshen munanan hare haren mayakan jihadi.