1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Faransa za ta karfafa yaki da ta'addanci

Mohammad Nasiru AwalApril 29, 2015

A sakamakon jerin hare-hare da ta fuskanta a birnin Paris a watannin baya, Faransa za ta kara kasafin kudin yaki da barazanar ta'addanci.

https://p.dw.com/p/1FHoT
Frankreich Präsident Francois Hollande Sitzung Verteidigungsrat
Hoto: Reuters/G. Fuentes

Gwamnatin Faransa ta ba da sanawar karfafa aikin sojojin ta a wani mataki na dakile barazanar da take fuskanta daga 'yan ta'adda a ciki da wajen kasar. Shugaban Faransa Francois Hollande ya ce a cikin shekaru hudu masu zuwa farawa daga shekarar 2016, za a yi wa ma'aikatar tsaron kasar karin kasafi na Euro miliyan dubu 3.8. Bugu da kari shugaban ya yanke kudurin girke karin sojoji 7000 don yaki da ta'addanci a cikin gida. Tun bayan jerin hare-haren da aka kai a birnin Paris a cikin watan Janeru, Faransar ta kara tsaurara matakan tsaro da yawan dakarun sintiri a fadin kasar baki daya.