Faransa ta halaka shugabanin IS

Ma'aikatar tsaron Faransa ce ta fitar da sanarwar nasarar halaka shugabanin Kungiyar IS a yayin wani samame da suka kai kan mabuyarsu da ke Menaka. Samamen da Faransan ta kai da taimakon rundunar sojin Amirka, ya halaka Abu Abderahman al-Sahraoui da mataimakinsa Issa al-Sahraoui.

Ma'aikatar tsaron Faransan, ta kara jadada fata na ganin bayan mayakan masu da'awar jihadin, ta ce wannan nasarar, ta nuna jajircewa kasar a yakar 'yan ta'adda duk kuwa da shirin kasar na rage yawan sojojin da ta jibge a yankin Sahel, bayan da ta kwashe fiye da shekaru takwas tana fada da masu tayar da kayar bayan.