Turai ta yi gargadi kan masu matsanancin ra'ayin Isra'ila

Shugabar hukumar gudanarwar Tarayyar Turai, Ursula von der Leyen a wannan Laraba ta bayyana goyon bayan saka takunkumi kan masu matsanancin ra'ayi 'yan Isra'ila da suke matsunan 'yan kaka-gida suke kai hare-hare kan Palasdinawa a yankin gabar yamma da kogin Jodan. Babbar jami'ar ta tarayyar Turai ta ce irin wannan hare-hare suna tarnaki kan neman samun zaman lafiya tsakanin bangarorin biyu na Isra'ila da Palasdinu. Ita dai Ursula von der Leyen ta bayyana haka ga 'yan majalisar dokokin tatayyar Turai.

Shi ma Shugaba joe Biden na Amirka ya gargadi Isra'ila cewa za ta iya rasa goyon bayan da take samu na kasashen dunyia kan yakin da take yi da tsagerun kungiyar Hamas muddun ta ci gaba da kai hare-haren kan mai uwa da wabi a yankin Zirin Gaza na Palasdinu. Haka na zuwa lokacin da babban zauren Majalisar Dinkin Duniya da gagarumin rinjaye ya bukaci samun tsagaita wuta tsakanin bangarorin biyu.

Yanzu haka Isra'ila tana ci gaba da hare-haren mamaye yankin na Zirin Gaza.