1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfirka

Fada ya rincabe a Jamhuriyar Dimukuradiyyar Congo

Abdulkarim Muhammad Abdulkarim
June 28, 2024

Fadan dai ya kazanta ne a yankin Kanyabayonga na lardin Kivu, mai nisan kilomita 100 da birnin Goma

https://p.dw.com/p/4heWN
Hoto: Moses Sawasawa/AP Photo/picture alliance

Fada ya rincabe a lardin Kivu na Jamhuriyar Dimukuradiyyar Congo a Juma'ar nan, tsakanin dakarun sojin gwamnatin kasar da na 'yan tawayen M23, kamar yadda kamfanin dillancin labaran Faransa AFP ya rawaito.

karin bayani:Dakarun MDD sun fice daga Jamhuriyar Dimukuradiyyar Kwango

Fadan dai ya kazanta ne a yankin Kanyabayonga na lardin Kivu, mai nisan kilomita 100 da birnin Goma, wanda 'yan tawayen M23 masu samun goyon bayan Rwanda suka jima da yi wa kawanya.

karin bayani:Dakarun SADC sun tunkari 'yan tawayen M23

Rikicin dai ya tilastawa mazauna yankin tsere wa muhallansu don kare rayukansu.

Wani rahoto da ofishin kare hakkin bil'adama na Majalisar Dinkin Duniyar ya fitar a Juma'ar nan, ya nuna cewa 'yan tawayen M23 na ci gaba da nausawa cikin arewacin Kivu don mamaye shi, musamman ma yankin Lubero.