1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

EU ta soki gwamnatin Siriya

July 9, 2011

Ƙungiyar Tarayyar Turai ta soki matakan murƙushe masu neman kafa demokraɗiyya a ƙasar Siriya

https://p.dw.com/p/11s4Q
Kantomar harkokin ƙetare ta ƙungiyar EU Catherine Ashton.Hoto: AP

Kantomar harkokin ƙetare ta ƙungiyar EU Katharin Ashton, ta soki matakan da gwamnatin Siriya ke ɗauka na kawar da masu bore, inda tace matakan sun rage hallascin gwamnatin shugaba al-Assad. Ashton ta buƙaci gwamnatin a Damascus da ta bar masu bincike daga ƙetare su binciki lamarin, kana ta buɗe ƙarin ƙofofin tattaunawa. An ruwaito cewa jami'an tsaro sun harbe masu bore kimanin 13 a jiya. Masu fafutuka sukace aƙalla mutane rabin miliyan suka shiga boren a birnin Hama, inda jakadun Amirka da na Faransa a ƙasar ta Siriya suka ziyarci birnin domin marawa masu boren baya. Abinda gwamnatin Siriya tace hakan ya nuna ƙarara cewa, turawan yamma ne ke ruruta wutar rikicin.

Mawallafi: Usman Shehu Usman
Edita: Abdullahi Tanko Bala