1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Kawo karshen motoci masu fitar da hayaki

Binta Aliyu Zurmi
June 29, 2022

Kungiyar tarayyar Turai ta amince da kawo karshen amfani da motocin da ke da injina masu fitar da hayaki nan da shekarar 2035, a kokarin yaki da dumamar yanayi.

https://p.dw.com/p/4DOit
Abgasschleudern in Montpelier Klimapolitik Obama
Hoto: AP

A sanarwar da kungiyar ta EU mai mambobi 27 ta fitar a yau, akwai bukatar daukar tsauraran matakai a kokari na kawo karshen sinadarin carbon dioxide (CO2) da ke haddasa dumamar yanayi.

Wannan mataki dai na nufin sannu a hankali a duk wadannan kasashen za a dai na samar da motoci da ke amfani da man fetur da na diesel ya zuwa motoci masu amfani da lantarki da kuma batura.

Shirin da ke da nufin nan da shekarar 2050 a samar da kyakyawar iska da bata dauke da sinadari carbon a ciki a daukacin nahiyar.

Ana ganin wannan mataki da mahukuntan na EU suka yanke shawarar dauka zai samar da mumunan koma baya ga kamfanonin da ke samar da motoci.