Turkiyya na shirin yin tonon silili

Shugaba Recep Tayyip Erdogan ya sha alwashi ne a gaban dubunnan jama'a a wurin wani kasaitaccen taron gangami da aka gudanar a wannan Lahadi a birnin Istanbul inda ya yi karin bayani yana mai cewa su masu neman shari'a ta yi halinta ne, kuma suna da cikakkun bayanai kan abin day a faru, kuma za mu bayyana wa duniya su a babban taron da jam'iyyarsa za ta gudanar a ranar Talata mai zuwa.

Mahukuntan Turkiyyar dai sun alakanta mutuwar dan jaridar da zuwan tawagar wasu 'yan kasar ta Saudiyya su 15 da suka je a birnin Istanbul a cikin wasu jiragen sama guda biyu a ranar biyu ga watan nan na Oktoba. 

A jiya Asabar ne dai a karon farko mahukuntan Saudiyyar a hakumance suka amince da mutuwar dan jaridar tare ma da sanar da daukar matakin korar wasu manyan jami'an gwamnatin biyar da kama wasu 'yan kasar ta Saudiyya su 18 a karkashin wani aikin bincike da Saudiyyar ta kaddamar kan wannan lamari. Sai a wannan lahadi sun bayyana cewa ba su da masaniya a game da inda gawar dan jaridar take ya zuwa yanzu.