1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfirka

Dubban matasa ke mutuwa a Tsibirin Canary-UNHCR

Musa Tijjani Ahmad
September 28, 2024

Akalla mutane tara sun mutu bayan da wani jirgin kwale-kwale ya kife da 'yan gudun hijra a tsibirin Canary a yunkurin matasan na shiga nahiyar Turai daga kasashen Afirka.

https://p.dw.com/p/4lC1G
Wasu matasa da ke kokarin tsallakawa Turai ta tsibirin El Hierro
Wasu matasa da ke kokarin tsallakawa Turai ta tsibirin El HierroHoto: Europa Press/AP Photo/picture alliance

Masu aikin ceto sun yi nasarar kubutar da mutane 27 daga cikin sama da 80 da ke makare a cikin kwale-kwalen, yayin da ake ci gaba da neman wasu mutanen kimanin 48 a gabar tsibirin El Hierro.

Karin bayani: Spain ta ceto 'yan ci-rani 516 daga Afirka a tsibirin Canary

Hukumar kula da 'yan gudun hijra na Majalisar Dinkin Duniya UNHCR ta ce sama da mutum 30,000 suka isa tsibirin na Canary a iya wannan shekarar ta 2024. Hukumar kididdigar 'yan gudun hijra ta Spain ta ce mutane sama da 4,800 sun nutse a ruwa daga watan Janairu zuwa Mayu.