Jamus na shirin dakile yaduwar corona

Sama da mutane 2,000 cutar Corona ta kama a makonni biyu na baya-bayan nan a cewar hukumin kasar Jamus, sabanin daruruwa da ake samu a watannin Mayu zuwa Yuni.

Taron shugabannin da zai gudanar ta internet, zai mayar da hankali kan matsayar makarantu da wuraren kasuwanci da rage adadin taron jama'a ko bukukuwa a cikin gida, inda adadin mutane daga 25 zuwa 50 kacal ne kawai za su rinka taruwa.

Hukumomin lafiya a Jamaus sun yi gargadin cewa yawan taron jama'a da sauran shagulgula ne ummul aba'aisin karuwar cutar.