China ta rinɓanya agajin da ta ke bai wa ƙasashen Afirka

Kasar China ta sanar da riɓanya kuɗaɗen agaji na bashi da ta ke bai wa nahiar Afirka, wanda yawan su ya kai biliyan dubu 20.Shugaba Hu Jintao na Chinar shi ne ya sanar da haka a gaban shugabannin ƙasahen nahiyar ta Afirka ,a taron China da ƙasahen nahiyar Afirka karo na biyar da ke gudana a birnin Bejin.

Tun a shekara ta 2009 China ta kasance abokiyar hulda ta farko ta nahiyar Afirka,wanda kuma kawo yanzu yawan agaji da take bai wa nahiyar ya kai kashi 60 cikin ɗari na agajin da ta fitar wa zuwa ƙasashen waje.A na sara a ƙarshen taron shugabannin ƙasahen zasu cimma ƙarin yarjejeniyoyi na cinikkaya tsakanin China da ƙasashen nahiyar Afirka.

Mawallafi : Abdourahamane Hassane
Edita : Usman Shehu Usman