1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Brazil: Binciken cin hanci ga tsohon shugaba Lula da Silva

Salissou Boukari
May 11, 2017

Tsohon shugaban Brazil Luiz Inacio Lula da Silva, na fuskantar tuhuma daga alkalin yaki da cin hanci na birnin Curitiba da ke kudancin kasar, inda tsawon awowi biyar ana yi masa tambayoyi.

https://p.dw.com/p/2clu1
Brailien Luiz Inacio Lula da Silva
Tsohon shugaban kasar Brazil Luiz Inacio Lula da Silva bayan da kotu ta saurare shi.Hoto: Reuters/P. Withaker

Sai dai tsohon shugaban mai shekaru 71 da haihuwa, bayan ya amsa tambayoyin ya fuskanci dumbun magoya bayanshi, inda ya yi watsi da zargin da ake yi masa:

"Ban taba neman a bani ba, kuma ban tama karbar wani gida ba kaman yadda ake zargina da shi, na zo gaban kotu ne don yin biyayya ga dokokin da kundin tsarin mulkinmu ya tanada, amma kuma ina mai yi wa wannan shari'a kallon wata manakisa."

Sai nan da zuwa 'yan makonni ne za a iya sanin makomar tsohon shugaban kasar ta Brazil dangane da wannan shari'a, inda ake zargin ya karbi toshiyar baki daga wani kanfanin gine-gine da ake zargin ya bai wa tshon shugaban wani gida a matsayin cin hanci a lokacin yana shugabancin kasar ta Brazil, wanda idan har aka same shi da laifi, to hakan zai dusashe burin da yake da shi na sake dawowa kan karagar mulkin kasar.