1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Batun tsaro ya mamaye taron AU

Muntaqa Ahiwa
February 9, 2020

Shugabannin kasashen Afirka da ke taron koli a Addis Ababa babban birnin kasar Ethiopia, sun yi alkawarin kara kaimi wajen warware matsalolin tsaron da suka dabaibaye nahiyar.

https://p.dw.com/p/3XV7S
Äthiopien Addis Abeba Gipfeltreffen der Staatschefs der Afrikanischen Union
Hoto: picture-alliance/AA/Palestinian Prime Ministry Office

Yayin bude taron mai taken kawar da ayyukan 'yan bindiga don dorewar zaman lafiya a Afirka, shugaban hukumar tarayyar Afirkar, Moussa Faki Mahamat, ya lasafta matsaloli da dama da nahiyar ke a ciki.

Ya ce kasashen na fama da ta'addanci da matsaloli na bambance-bambancen kabila sai kuma wadanda ke tasowa a lokutan zabuka da ma bayansu.

Hankalin shugabannin na Afirka dai ya karkata yanzu ga batun samar da zaman lafiya, sama da sauye-sauye da ake fifitawa a baya, musamman batun cinikayya da zirga-zirga ba tare da shamaki ba a tsakaninsu.

Yanzu dai shugabancin kungiyar AU ya koma ga shugaban kasar Afirka ta Kudu Cyril Ramaphosa, bayan karewar wa'adin Abdel Fattah al-Sisi na Masar.

Shugancin kungiyar dai ana yinsa wa'adi daya na shekara guda.