Barazanar kamuwa da Omicron a Turai

Reshen hukumar da ke nahiyar Turai ne ya sanar da hakan a wannan Talatar, yayin wani taron manema labarai da shugaban reshen Hans Kluge ya gudanar.

Mr. Kluge ya ce a makon farko na wannan sabuwar shekarar da muka shiga kimanin mutane miliyan bakwai ne suka kamu da cutar ta Corona, adadin da ya ce ya ninka wanda aka gani kafin shiga sabuwar shekarar.

Wannan na zuwa ne daidai lokacin da kasashen Turai da ma na sauran sassan duniya ke fadi-tashi wajen al'umma sun karbi karin rigakafin corona din da nufin kare al'umma daga kamuwa da cutar nau'in Omicron, baya ga tsaurara matakan kariya da ake ci gaba da dauka.