Hasina ta kama aiki a sabon wa'adin mulki

Firaministan Bangladesh Sheikh Hasina a wannan Litinin ta sha rantsuwar kama aiki a wa'adin mulki na uku a jere a matsayin shugabar gwamnati. An kuma rantsar da da yawa daga cikin ministocinta.

Firaminista Hasina ta ci gaba a kan mukaminta bayan da jam'iyyarta ta Awami League ta lashe zaben 'yan majalisar dokoki karo na 11 da gagarumin rinjaye, nasarar da jam'iyyun adawa suka yi watsi da ita sua masu korafin cewa an tursasa musu an kuma yi magudin zabe.

'Yan adawar dai sun kauracewa bikin rantsar da Firaministan inda suka ci gaba da kiran a sake gudanar da zaben.