Angela Merkel ta yi sakon taya murna ga 'yan kasar

Shugabar gwamnatin Jamus Angela Merkel ta yi kira ga 'yan kasar Jamus da su kasance masu kyakkyawan fata kana kuma ta bukace su da su kawo sauyi ga wasu daga dabi'unsu na yau da kullum.

A yayin wani jawabinta da ke matsayin sakon taya murnar shiga sabuwar shekara wanda a ciki ta tabo batutuwa da dama, Merkel ta bayyana cewa mukan iya aiwatar da muhimman sauye-sauye idan har muka dauki kudurin samar da sababbin abubuwa masu tasiri ta fannoni da dama.

Merkel ta yi kiran 'yan kasar da su kara himma wajen yakar sauyin yanayi inda ta ce dumamar yanayi abu ne da ke a zahiri.