An yi karin kudin man fetur a Zimbabuwe

Shugaban ya ce ya dau wannan mataki ne don ganin an samu sauki kan karancin man fetur din da ake fuskanta sai dai bai yi karin haske ba kan yadda ya ke ganin hakan zai taimaka wajen samun man fetur din a kasar.

Sanarwar ta shugaban ta zo ne sa'o'i kalilan kafin barinsa Zimbabuwe zuwa wasu kasashen duniya ciki kuwa har da Rasha don neman 'yan kasuwar da za su zuba jari a kasar, kafin daga bisani ya karkare ziyarar kasashen ketare din da halartar taron tattalin arziki na duniya a birnin Davos na kasar Switzerland.