1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamus

An tsaurara tsaro gabanin tsige Shugaba Trump

Muntaqa Ahiwa
January 13, 2021

Wakilai a majalisar dokokin kasar Amrika na tafka turancin neman kawo karshen mulkin shugaban kasa, inda ake sauran kwanaki kalilan da karewar wa'adinsa a kan karaga.

https://p.dw.com/p/3nsdY
USA | Washington | Kapitol | Nationalgardisten
Hoto: J. Scott Applewhite/AP Photo/picture alliance

Majalisar wakilan Amirka, ta shirya tsige Shugaba Donald Trump inda wakilai kuma kusoshi a jam'iyyar Republican da ke mulki masu yawa ke goyon bayan 'yan jam'iyyar Democrats masu adawa, a zaman da ake yi a wannan Laraba.

An dai baza dubban sojojin kundumbala wandanda ke zaman ko-ta-kwana a sassa daban-daban na birnin Washington, inda a wasu wuraren aka datse hanyoyin da aka saba zirga-zirga ta yau-da-kullum.

Shi dai Shugaba Donald Trump na cikin tsaka mai wuya ne, bayan tunzura magoya bayansa da ya yi a makon jiya, inda suka far wa majalisar dokokin kasar lokacin da ake tabbatar da zaben Joe Biden a matsayin zababben shugaban Amirkar.

Kuri'ar neman tsige shugaban a karo na biyu, na zuwa ne yayin da ake mako guda kafin karewar wa'adinsa a matsayin shugaban kasa.