An sanar da da sabon shugaban kasa a Aljeriya

Abdelmajid Tebboune ya lashe zaben ne da kaso 58 cikin 100 na kuri'un da aka kada kamar yadda shugaban hukumar zaben kasar Mohammed Sharafi ya bayyana.

An gudanar da babban zaben ne watanni takwas bayan wata zanga-zangar da ta yi sanadiyar faduwar gwamnatin tsohon shugaban kasar Abdelaziz Boutaflika. 
 
Sakamakon zaben dai na fita daidai loakcin da ake sa ran fitowar daruruwan al'ummar kasar don gudanar da zanga-zanga a wani mataki na nuna adawa da zaben da ma wadanda suka yi takara ta zama shugaban kasar na gaba.