1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

An samu Rubiales da laifin sumbatar 'yar wasa

Abdul-raheem Hassan
February 20, 2025

Kotu ta tabbatar da samun tsohon shugaban hukumar kwallon kafa ta kasar Luis Rubiales da laifin sumbatar 'yar wasa ba da sonta ba, lamarin ya faru ne da kasar ta lashe gasar cin kofin duniya na mata a 2023.

https://p.dw.com/p/4qnZR
Luis Rubiales
Tsohon shugaban hukumar kwallon kafar Spain, Luis RubialesHoto: Gabriel Bouys/picture alliance/La Nacion/ZUMA Press

Kotun ta umarci Rubiales ya biya tarar sama da Yuro 10,000. An dai shafe tsawon lokacin ana ta kai kawo kan shari'ar da ya haifar da zazzafar muhawara a duniyar wasanni, matakin ya tilasta Rubiales yin murabus a matsayin shugaban hukumar kwallon kafa a Spain.

Masu gabatar da kara sun nemi kotu ta daure Rubiales mai shekaru 47 tsawon shekara biyu da rabi, sai dai tsohon dan wasan ya kafe kan cewa bi ta da kulli ne. Amma har yanzu akwai sauran mutane uku da ke jiran shari'a kan zargin tilasta 'yar wasan da karyata sumbatar dole.