An sace dalibai a Najeriya

Gwamnatin jihar Kaduna da ke arewa maso yammacin tarayyar Najeriya ta tabbatar da sace dalibain makarantar koyon aikin gandun daji da yan bindiga suka yi a daren jiya. Wannan dai shi ne karo na hudu da ake sace dalibai a yankin Arewacin Najeriya tun daga watan Disemba.

Kwamishinan tsaron jihar Samuel Aruwan shi ne ya tabbatar da afkuwar lamarin, sai dai bai bada kiyasin yawan daliban da aka sace ba, amma dai wata majiya ta ce kimanin dalibai 30 ne yan bindigar suka yi awon gaba dasu.

Wani dalibi a makarantar da ya shaida faruwar lamarin Sani Danjuma ya ce mafi yawancin daliban da aka sace yan mata ne.