1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Amirka ta soke cinikin makamai da Saudiyya

Gazali Abdou Tasawa
July 18, 2019

Majalisar dokokin Amirka ta dakatar da wani cinikin makamai na sama da biliyan takwas na Dalar Amirka tsakanin Amirka da Saudiyya da kawayenta na Jodan da Jamhuriyar Daular Larabawa.

https://p.dw.com/p/3MEbe
Symbolbild: US Capitol
Hoto: Getty Images/D. Morris

'Yan majalisar dokokin na Amirka sun dauki wannan mataki ne a sakamakon kisan gillar da jami'an gwamnatin Saudiyyar suka yi wa shahararren dan jaridar nan na kasar ta Saudiyya Jamal Khashoggi a kasar Turkiyya da kuma rawar da Saudiyyar ke takawa a yakin kasar Yemen. 

Dama dai a watan Yunin da ya gabata wannan kudirin sayar da wadannan makamai ya bi ta gaban majalisar dattawan kasar ta Amirka wadda 'yan jam'iyyar Republican ke da rinjaye a cikinta. A nan gaba kuma zai isa a fadar White House. 

Sai dai kuma Shugaba Donald Trump na da hurumin bijire wa wannan mataki na 'yan majalisar ta hanyar hawa kujerar naki da doka ta ba shi.