Sudan: Ambaliyar ruwa ta yi barna

Cikin wata sanarwa daga ma'aikatar harkokin cikin gida ta Sudan din dangane da kiyasin da wata kungiya mai zaman kanta ta fitar, ta bayyana cewa sama da gidaje dubu 14 da gine-ginen ma'aikatu da hukumomin gwamnati 119 sun rushe, yayin da wasu gidajen sama da 16 suka lalace. Ofishin Hukumar Kula da Bayar da Agajin Gaggawa na Majalisar Dinkin Duniya, ya nunar da cewa sama da mutane dubu 185 ne bala'in ambaliyar ruwan ya shafa. Dama dai Sudan na fama da irin wannan ibtila'i na ambaliya a duk shekara, tsakanin watan Yuli zuwa Oktoba.