1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Alhazzai sun isa dutsin Arafa

Abdoulaye Mamane Amadou
July 8, 2022

An shiga matakin kololuwa na aikin hajjin bana a wannan rana, inda mahajjata daga sassan duniya suka isa dutsin Arafa don ci gaba da gudanar da ibada.

https://p.dw.com/p/4Dq8C
Saudi-Arabien | Mekka Hadsch
Hoto: Ashraf Amra/AA/picture alliance

A wannan Jumma'ar alhazzai ke fita filin Arfa a ci gaba da aikin hajjin wannan shekara da maniyata fiye da miliyan daya da rabi daga sassa dabam-daban na duniya ke gudanarwa.

Bayan shafe daren jiya da aka soma shiga kololuwar aikin na hajjin bana a Mina, maniyatan za su shafe tsawon wunin yau suna ibada a dutsin Arafa, kafin kwana a Muzdalifa, wanda hakan ke daga cikin muhimman ranakun aikin hajjin.

Wannan ne dai karon farko da ake aikin hajjin cikin shekaru uku tun bayan bullar annobar Corona a fadin duniya. Aikin hajjin dai na daga cikin shika-shikan Musluncin da ya wajaba a kan kowane Musulmin da yake da gwargwadon hali na sauke faralin.